O BNG levará ao Pleno a rescisión do contrato do Cine

Xunto a outra iniciativa sobre a demora nas obras que o goberno galego está a desenvolver na avenida de Jesús García Naveira. Tamén presentarán varias preguntas para controlar a acción do goberno.

O BNG levará ao pleno previsto para o vindeiro martes unha moción relativa á denuncia do contrato de aluguer do Cine Alfonsetti. Segundo informou o Secretario Xeral do Concello o pasado 22 de novembro, o contrato finalizaría o vindeiro 20 de abril e non habería lugar a unha prórroga tácita, como até a data, se se denuncia con 15 días de antelación.
 
Para os nacionalistas é o momento de pechar a porta á renovación tácita do aluguer do cine, de forma que se recupere a posesión municipal sen ter que indemnizar aos arrendatarios. Deste xeito, matizan, poderían centrarse os esforzos na rehabilitación da histórica sala. O BNG aínda está a agardar polos informes complementarios que solicitou o pasado mes de xaneiro ao Interventor e Secretario municipais sobre diversos aspectos do acordo que aprobaron por maioría PP e Cxb

Por outra banda, o BNG levará ao Pleno outra moción relacionada coas demoras que está a experimentar a obra que a Consellaría de Obras Públicas desenvolve na avenida Jesús García Naveira e que está a ocasionar importantes prexuízos a residentes e empresarios da zona. O BNG tamén levou esta problemática ao Parlamento de Galiza a través dunha pregunta dos seus deputados Carlos Aymerich e Pablo González Mariñas.
 

---

Email (no sera publicado)

Nome

Titulo do comentario

Comentario
 palabras disponibeis.

Enviar