O BNG leva ao Parlamento os retrasos na obra da avenida Jesús García Naveira

Os deputados Carlos Aymerich e Pablo González Mariñas rexistraron unha pregunta dirixida á Consellaría de Obras e Ordenación do Territorio para coñecer os motivos da paralización parcial da obra e dos prazos que se barallan para concluíla. O Grupo Municipal betanceiro levará unha iniciativa sobre o tema ao vindeiro Pleno.

O BNG recolleu nos pasados días numerosas queixas de veciños, empresarios e usuarios da Avenida Jesús García Naveira, relacionadas coa paralización da obra que o goberno galego está a executar para mellorar a pavimentación e os servizos desta arteria betanceira. Coas queixas e a información recollida, os deputados nacionalistas Carlos Aymerich e Pablo González Mariñas rexistraron unha pregunta dirixida á Consellaría de Obras e Ordenación do Territorio para coñecer os motivos da paralización parcial da obra e dos prazos que se barallan para concluíla.

Pola súa banda, o Grupo Municipal do BNG asegurou que levará ao vindeiro Pleno unha iniciativa sobre o mesmo tema para instar ao goberno municipal a actuar dilixentemente no asunto, dadas as continuas manifestacións da Alcaldía sobre a obra e o malestar causado, coa paralización dos traballos, a veciños, empresarios e usuarios da vía.

---

Email (no sera publicado)

Nome

Titulo do comentario

Comentario
 palabras disponibeis.

Enviar