O edificio, en ruínas, ocupaba un campo na parroquia de Tiobre, a poucos metros da igrexa de San Martiño e en pleno Camiño Inglés. O BNG demandara en varias ocasións á Xunta de Galiza a consolidación das ruínas para evitar a desaparición do templo.

O BNG denunciou publicamente a desaparición das ruínas da capela de San Paio, en Tiobre. Veciños da zona puxeron en coñecemento da formación nacionalista a desaparición do pouco que ficaba en pé da vella capela, emprazada nun campo en pleno Camiño Inglés. O pasado verán aínda ficaban en pé parte dos muros da única nave con que contaba o templo e un arco da nave. O BNG betanceiro demandara en varias ocasións á Xunta de Galiza a consolidación das ruínas para evitar a desaparición do pouco que quedaba en pé do antigo templo, arredor do cal se celebraba unha concorrida romaría o 24 de agosto. Logo deste derrumbe pouco queda en pé da vella capela de San Paio, o que para o BNG supón unha perda patrimonial importante para a parroquia de Tiobre e para todo Betanzos.

---

Email (non sera publicado)

Nome

Titulo do comentario

Comentarios
 _EASYCOMMENTS_REMAINING_CHARS

Enviar