Ante as manipulacións dos sinais e a aparición de novos sinais autorizando o estacionamento na até a data praza peatonal de Fernán Pérez de Andrade. O PP respostou en varios plenos que non houbera cambios na normativa.

O BNG de Betanzos solicitou por rexistro copia das resolucións da Alcaldía que acordan modificacións no tránsito pola rúa do Castro, rúa Travesa e Praza da Constitución e mais permiten o estacionamento na Praza Fernán Pérez de Andrade, ata agora peatonal. Os nacionalistas entenden que estes cambios teñen que ser acordados pola Alcaldía ou a Xunta de Goberno Local. “Dado que non figuran nas actas da Xunta de Goberno, terá que ser por resolución da Alcaldía” conclúen.

Sobre este asunto e outros semellantes o BNG xa levou varias preguntas a distintos plenos. O goberno do PP respondeu sempre que non se produciran cambios na ordenación do tráfico nestas rúas. Para o BNG “resulta evidente que a realidade desborda o discurso do PP”.

---

Email (non sera publicado)

Nome

Titulo do comentario

Comentarios
 _EASYCOMMENTS_REMAINING_CHARS

Enviar