Andrés Otero deixa a súa acta no Concello de Betanzos por motivos laborais

Enrique do Río e Concepción Valladares eloxiaron o labor de Andrés Otero no Concello.

O concelleiro e actual portavoz do grupo municipal do Bloque Nacionalista Galego no Concello de Betanzos, Andrés Otero Botana, deixa a súa acta por motivos laborais e será substituído por Enrique do Río ao renunciar a ex edil Concepción Valladares.

Andrés Otero Botana deixará de ser concelleiro do Concello de Betanzos o vindeiro martes, día 29, cando se celebre a sesión plenaria. O mesmo encargouse onte de anuncialo nunha comparecencia pública que tivo lugar no Salón Azul do edificio Liceo e na que estivo acompañado por membros da directiva comarcal do Bloque Nacionalista Galego e por compañeiros do BNG brigantino.

Otero alega motivos estritamente laborais para xustificar a súa renuncia ao acta de concelleira que obtivo como cabeza de lista da formación nacionalista nas pasadas eleccións celebradas no mes de maio de 2007.

Oito anos > O aínda concelleiro do Bloque ingresou nas filas nacionalistas aos catorce anos de idade e fai oito anos pasou a formar parte da corporación brigantina.

Otero chegou a formar parte do goberno local, presidido por Manuel Lagares, como responsable da Concellaría de Comercio no pasado mandato cando o BNG e o PSOE formaron unha coalición.

O tamén ex responsable da Concellaría de Casco Histórico, Xabier López, será a partir de agora o portavoz do Bloque no Concello, mentres que Enrique do Río ocupará o acta que deixa Otero Botana.

Do Río que é licenciado en Ciencias Políticas pasa a formar parte da corporación brigantina porque a ex edil Concepción Valladares alega así mesmo motivos persoais para renunciar ao acta que o vindeiro martes deixará Otero tras dúas lexislaturas.

---

Email (no sera publicado)

Nome

Titulo do comentario

Comentario
 palabras disponibeis.

Enviar