Está situado na Praza de San Roque, á beira do que antes foi a capela de San Roque e hoxe é unha oficina bancaria. Data do século XVIII e componse de planta baixa e piso, este con balcón na fachada, presentando como remate da mesma un escudo da cidade. Tiña o Colexio na súa parte traseira un edificio coetáneo, que foi destruído en 1950. Na actualidade alberga servizos municipais.