Ten lugar o 8 de Setembro na Parroquia da Nosa Señora do Camiño. Son masivas as ofrendas que esta virxe recibe. Durante todo ese día son continuas as celebracións relixiosas, así como o continuo desfilar de romeiros cumprindo todo tipo de ofrecementos realizados á Virxe dos Remedios. Pola tarde é de destacar a Procesión, na cal a Virxe é portada polos fieis nun percorrido por todo o barrio, que parte da Igrexa e vai ata a Praza de Enrique IV, volvendo ao Templo , e acompañada durante todo o traxecto por infinidade de crentes, así como pola Banda Municipal de Música de Betanzos.