Custo caro a primeira vitoria, pero ao final logrouse e os tres primeiros puntos serviran para que os novos xogadores vaian collendo confianza. A vitoria puido ser máis tranquila pero despois do 5-2, a relaxación fixo estragos nos de Betanzos, e apunto estiveron de perder o encontro.

Xogaron:
Troula: Fernando, Dani, Fredy, Lolo, Alan; Iago, Santi, Loren, Parrulo, Tarek, Abel e Cris.
Arzua: Angel, Javier, Fernando, Sergio, Adrian; José Luis.
Goles: 0-1 Javier, 1-1 Dani, 2-1 Fredy, 3-1 Iago, 4-1 Loren, 4-2 Fernando (1ª parte). 5-2 Dani, 5-3 Javier, 5-4 Sergio, 5-5 Javier, 6-5 Loren.
Arbitros: Fiaño López e Rodríguez Pereira.

O BNG de Betanzos pola súa banda presenta alegacións aos orzamentos municipais

O persoal laboral do Concello de Betanzos acordou por unanimidade, na asemblea celebrada o pasado martes, presentar alegacións aos orzamentos municipais do Concello.

A asemblea, convocada polo comité de empresa e coa asistencia dun asesor de UXT, valorou positivamente o cambio de actitude da alcaldesa en relación coa negociación colectiva, pero considerou oportuno realizar alegacións co obxectivo de que consten oficialmente as súas queixas pola falta de negociación en diversos aspectos económicos. De todos os xeitos, o persoal decidiu que que se as negociacións avanzan positivamente nos próximos días, as alegacións retiraríanse e non se impugnarían os orzamentos municipais ante os tribunais.

En sinal de confianza co cambio de actitude da alcaldesa acordouse non impor, polo momento, ningunha outra denuncia relacionada con temas pendentes como é a posta en marcha do Plan de Pensións, xa que confían en que o equipo de goberno cumpra cos seus compromisos.

O BNG

A “escandalosa ocultación” do pagamento aos Pita por unha inmerecida indemnización ante a recuperación do Alfonsetti e a supresión de varias prazas no servizo municipal de limpeza motivaron as alegacións do voceiro nacionalista no Concello de Betanzos.

O BNG de Betanzos rexistrou unha serie de reclamacións fronte ao orzamento inicial aprobado o pasado 12 de agosto cos votos de PP e CxB. O BNG referiuse á “escandalosa ocultación” do pagamento aos Pita polo Alfonsetti, relatando que o que figura no orzamento é unha partida de 400.000€ para a rehabilitación do Complexo Cultural Santo Domingo, cando en realidade 143.000€ englobados dentro desa cantidade irán parar “aos petos da familia Pita por un concepto que se descoñece”. O BNG lamenta que o goberno local oculte á cidadanía de Betanzos este pagamento escondéndoo en partidas máis amplas. “Onde queda agora a claridade e transparencia deste goberno?” preguntouse o portavoz nacionalista facendo referencia á “soflama propagandística” do goberno municipal conservador.

O outro motivo fundamental que moveu aos nacionalistas a presentar reclamacións á aprobación do orzamento foi a supresión de varias prazas nos servizos municipais, fundamentalmente no de limpeza. “O goberno local terá que explicar por que reduce prazas no servizo de limpeza sen xustificalo” apuntou o portavoz do BNG, para o que esa explicación pública é máis necesaria “de ter en conta que hai unha alarma xeralizada sobre a limpeza da cidade e fica demostrado que as necesidades van xusto no sentido contrario”.

No seu escrito, presentado esta mesma mañá no Rexistro Xeral do Concello de Betanzos, O BNG bota en falta tamén a previsión orzamentaria precisa para poder comezar de inmediato coas obras da galescola comarcal ou a inclusión doutra serie de propostas que o BNG levou ao longo do presente mandato ao Pleno e que foron aprobadas, como o servizo de transporte escolar gratuíto para rapaces do centro urbano, rede de bibliotecas e mellora da actual biblioteca municipal, fondo municipal para prevención contra a violencia de xénero,…

O cantautor Xoan Curiel, mestre do Obradoiro Musical en Oza dos Ríos, presentará o seu segundo traballo discográfico, NAI, o mércores 17 de setembro ás 20:00 h no Forum Metropolitano (A Coruña).
O disco é un coidadoso traballo de orfebrería poética e musical, no que o autor fai unha homenaxe moi persoal á figura da nai, da natureza e da vida. Dende o Concello recomendámosvos encarecidamente que non deixedes pasar esta oportunidade de disfrutalo en concerto.

SK8

13 de setembro. Durante todo o día terá lugar a cuarta edición do campionato de monopatíns OZA SK8. Pola tarde, na mini rampa do Aparcadoiro da Piscina Municipal, poderemos disfrutar de merenda gratis e moitos sorteos para tod@s. @s participantes, por suposto, poderán optar a premios varios.

A partir das 21.00 h haberá un concerto de ÁLVARO MOURAS, un espectáculo de música e pintura.

http://maps.google.es/maps/ms?hl=es&ie=UTF8&msa=0&ll=43.220314,-8.147864&spn=0.015543,0.038452&t=h&z=15&msid=113812699025818016993.0004565f0339379c64c14

É unha ruta de dificultade media-baixa dunhas 4 horas de duración.
Todos aqueles que desexedes participar podédesvos apuntar no 981 79 20 00 (preguntando por Julia ou Susana) ou no correo electrónico ozaturismo@yahoo.es

A hora de quedada será ás 09.30 h diante da Casa do Concello de Oza dos Ríos e estaremos de volta, aproximadamente, sobre as 14.00 h.

Coma sempre o traslado realizarase nos coches particulares e recoméndase levar bebida e un tentenpé para o descanso de media mañá.

cartaz da pelicula

¡¡¡CAMBIO DE DATA!!!    PEQUEÑA MISS SUNSHINE. 7 anos. Xoves 11 de setembro ás 22.00h. Diante da casa do Concello (Se chove: polideportivo).

O Troula de Betanzos

Mañá sábado 13 de setembro comeza a tempada 2008/2009,y o troula F.S empeza recibindo no Municipal de Betanzos ao equipo de Arzúa, Pena San Cristobo Concello Arzúa, a partir das 17:00 horas.
Equipo|Persoal tempada 2008/2009.

Fernando, Iago, Santi, Fredy, Loren, Dani, Alan, Tarek, Lolo, Pata, Abel, Cristobal e Rati.
Baixas: Iago Barro e Mon (Mera 1ª A), Jajo (OU Loureiro Cesuras), Rober Paz (Noia 1ª A), Juanele e Gantes.
Altas: Loren (Mera ‘B’), Fredy (Liberdade de Mera), Santi e Abel (xuvenís Troula), Rati (OU Loureiro Cesuras).

O equipo sufriu baixas moi importantes, e o club mirou cara á base para cubrir as vacantes. Resaltar a volta de Fredy, que despois de pasar un ano no Liberade de Mera, volve á casa.

A fichaxe máis ‘mediático’ é o de Rati, que despois de varias tempadas en O Loureiro Cesuras, o cal abandono en decembro de 2007, vén a Betanzos con ganas de achegar a súa experiencia a que o club consiga a permanencia en 1ª nacionais ‘B’.

Resultados pretempada: Amigables
Troula F.S. - Mera F.S. (1ªA) 1 - 6
Troula F.S. - Porto Celeiro Vivero 0 -7
Troula F.S. - Mera ‘B’ 1 -2

COPA DE GALICIA
P.San Cristobo Concello Arzua - Troula F.S. 1 - 5
Troula F.S. - Ou Parrulo Ferrol F.S. 2 - 6
Con estes resultados de Copa o Troula F.S. quedou eliminado, clasificándose para cuartos de final O Parrulo Ferrol F.S.

O sábado, a mocidade de Bordel escenificará a lenda do Tributo das Cen Doncelas, unha lenda que fala de cando as mozas eran recluídas polos mouros nas Torres de Peito Bordel, para logo ser enviadas ao califato de Córdoba.

Durante a fin de semana estarán instalados postos artesanais que recrearán unha feira histórica.
O domingo celebrarase a tradicional romería de Nosa Señora dos Remedios. Dende o concello indicaron que todas as persoas, asociacións e artesáns interesados nesta feira histórica poden aportar as súas ideas e suxestións poñendose en contacto co departamento de Cultura do Concello de Abegondo