|
 O BNG repartirá o seu programa na feira do día 1.
Acto público sobre políticas de mocidade no Conservatorio.
O Director Xeral de Producción, Industrias e Calidade Agroalimentaria, Antonio Oca Fernández, acompañará a concelleiros, militantes e simpatizantes do BNG de toda a comarca das Mariñas na visita á feira.Betanzos, 26 de febreiro de 2008.
Como ven sendo tradicional en cada convocatoria electoral, o BNG das Mariñas aproveitará a feira do vindeiro un de marzo para repartir o seu programa e propostas electorais a cantos concorran á feira betanceira. Aos edís da comarca sumaranse militantes e simpatizantes, deputados provinciais e o Director Xeral de Producción, Industrias e Calidade Agroalimentaria, o nacionalista Antonio Oca. O reparto comezará na praza do Campo para percorrer as rúas do recinto feiral, visitando tamén as naves da feira do gando. A cita rematará, como ven sendo habitual, nunha das polbeiras da feira.
Acto público sobre políticas de mocidade
A Secretaria Xeral, Iria Aboi, acompañará ao Responsábel Local, Anxo Arcai, e a Paulo López e Avia González, candidatos ao Congreso e o Senado respectivamente, no acto que terá lugar no Conservatorio, o domingo 2 de marzo a partir das 18:30h.Betanzos, 26 de febreiro de 2008. Galiza Nova irrumpe na campaña electoral do BNG cun acto comarcal no que intervirá a Secretaria Xeral das mocidades nacionalistas. Iria Aboi intervirá nun acto público no Conservatorio Municipal o vindeiro 2 de marzo, acompañada de Anxo Arcai, Paulo López e Avia González. A organización xuvenil do BNG quere facer chegar aos mozos e mozas das Mariñas as propostas que para a mocidade contén o programa do BNG.
» Sin Comentarios
No hai ningun comentario ata agora.
» Envie seu Comentario
|
