|
O Concello de Curtis conta desde hoxe cunha rede municipal de Internet sen cables. O novo sistema permite conectarse á Rede desde múltiples lugares do municipio. O Concello e a Consellería de Innovación celebran un acto ás 12 horas na casa consistorial, onde inaugurarán o novo sistema cunha videoconferencia. No acto estarán presentes o alcalde de Curtis, Javier Caínzos Vázquez, a directora Xeral de Promoción Industrial, Helena Veiguela, e o delegado provincial, Xosé Luís Barcia.
Segundo informou a Xunta, a asignación orzamentaria da Consellería de Innovación e Industria para o desenvolvemento deste proxecto en Curtis é de 83.200 euros.
A rede de Internet municipal funcionará a través da tecnoloxía Wii Mx, unha das máis avanzadas en conexión sen cable, e que consiste nun dispositivo de conexión que transmite o sinal a través do aire e mediante ondas. O sistema compleméntase cunha rede de aparellos que emiten as ondas, trátase dunha especie de repetidores que axudan a que a intensidade do sinal sexa uniforme en todos os puntos de recepción.
A encargada de instalar este sistema foi a empresa de telecomunicacións coruñesa chamada Demotecnia.
A iniciativa que se implantará hoxe en Curtis forma parte dun programa de desenvolvido pola Consellería Innovación e Industria na que participan outros once Concellos de toda Galicia, entre os que se atopa o concello coruñés de San Saturnino. O programa pretende romper a barreira tecnolóxica que existe entre as zonas urbanas e as rurais, que contan cunha reducida conectividad a Internet a través de banda ancha na comunidade autónoma.
» Sin Comentarios
» Envie seu comentario
|
