|
Curso básico de protección do ambiente |
|
|
|
Escrito por Administrator
|
|
A Academia Galega da Seguridade Pública (AGASP) convoca un curso sobre operadores de radar, un básico de primeiros auxilios, un terceiro de protección do ambiente e dous básicos de auxiliares de policía local. A inscrición en calquera destes cursos é totalmente gratuíta, segundo saíu publicado hoxe no Diario Oficial de Galicia (DOG).
A Academia tamén celebrará un curso básico sobre protección do ambiente dirixido ao persoal dos corpos de policía local de Galicia. A súa finalidade é dar a coñecer a normativa máis importante que afecta á operativa ambiental e dominar a operativa básica de actuación profesional nesta área.
Os temas que abordará esta actividade formativa serán as normas xerais de protección ambiental, a protección ambiental en Galicia, a conservación da natureza, a protección de animais domésticos e salvaxes en catividade, os residuos e a súa normativa e a contaminación das augas.
Este curso, no que se poden realizar inscricións ata o 5 de maio, ten 30 prazas e desenvolverase do 12 ao 15 de maio na sede da AGASP e en horario de tarde, de 16.00 a 21.00 horas. Os asistentes recibirán ao final do curso un certificado de asistencia.
» Sin Comentarios
No hai ningun comentario ata agora.
» Envie seu Comentario
|
Galicia 
