Cristina Ferreiro gaña o I Concurso de Poesía en lingua Galega concello de Sada.

O Xurado do 'I Concurso de Poesía en Lingua Galega do Concello de Sada' outorgoulle o primeiro premio na modalidade absoluta (maiores de 18 anos) a Cristina Ferrero, dotado coa cantidade de 300 euros en metálico. Pola súa banda, Axel Fernández impúxose na categoría de 8 a 11 anos e recibirá un vale regalo de 200 euros para canxear en diferentes establecementos comerciais de Sada. O xurado decidiu deixar deserto o primeiro premio na categoría de 12 a 17 anos.

Os segundos premios nas modalidades de 8 a 11 anos e de 12 a 17 anos recaeron en Iván López e Iago Rey, respectivamente. Ambos os dous están dotados con cadanseu vale-regalo de 100 euros. As catro persoas distinguidas con algún galardón neste certame recitarán os seus poemas na Gala das Letras Galegas que terá lugar o día 17 de maio na Casa da Cultura.

A Concelleira de Cultura, Ana-Gloria López Gil, destaca o éxito desta convocatoria, na que participaron preto de 40 autores e autoras de diferentes idades.
 

---

Email (non sera publicado)

Nome

Titulo do comentario

Comentarios
 _EASYCOMMENTS_REMAINING_CHARS

Enviar