10 mortos ao día

Un total de dez persoas morren cada día en Galicia como consecuencia do consumo de tabaco, das que nove son homes, segundo avanzou hoxe a delegada da Consellería de Sanidade na Coruña, María Ausencia Tomei Martínez de Rituerto.

A pesar de que só unha de cada dez persoas falecidas por esta causa en Galicia é unha muller, o consumo de tabaco entre elas está aumentando cada ano. Ademais, os galegos cada vez empezan antes a fumar, fano de xeito regular aos 18 anos de media, pero o proban aos 11 ó 12 anos.

Do total de fumadores galegos, o 38 por cento fuma máis dun paquete diario (20 cigarros), un 35 por cento entre 10 e 19 cigarros ao día e un 27 por cento fuma menos de 10 pitillos nun prazo de 24 horas.

Estes datos indican que o tabaquismo é a segunda causa de morte no mundo, cun 8,8 por cento da mortalidade total, que afecta "a todas as clases sociais e a todos os países, ricos e pobres", segundo sinalou Tomei

---

Email (non sera publicado)

Nome

Titulo do comentario

Comentarios
 _EASYCOMMENTS_REMAINING_CHARS

Enviar